علقت الفنانة ميرنا جميل على تعاونها مع الفنان أمير كرارة من خلال مسلسل بيت الرفاعي، وعن حلم طفولتها بالتمثيل مع نجوم هوليوود، كما كشفت عن تجربتها في المسرح من خلال لقائها في برنامج كلاكيت عبر راديو نجوم إف إم.

ميرنا جميل: انبسطت بالتجربة مع أمير كرارة وبعشق دور سامية

عبرت ميرنا جميل عن سعادتها بالتعاون مع أمير كرارة في دراما رمضان 2024، من خلال لقائها في برنامج كلاكيت رصده لكم موقع تحيا مصر، حيث قالت: "أنا بعشق دور سامية حلويات البنت الجدعة الطيب واللي بتحب، وانبسطت بالتجربة مع أمير كرارة لأنه بصراحة إنسان طيب وجدع وخلوق".

وتابعت ميرنا جميل قائلة: "كانت في مشاهد كتير كنت بسأل نفسي هو أنا لو قابلت حد وحبيته هعمل عشانه كل ده"، موضحة أن مشاهد الكوميديا لم تكتب للشخصية في الأساس، وتابعت قائلة: "الضحك كان جاي من المواقف نفسها واختلاف شخصيتي عن شخصية أمير كرارة".

ميرنا جميل: أنا ماليش في السوشيال ميديا.. وأنا بحس عاطفية أوي

وعلى صعيد آخر أكدت ميرنا جميل أنها لا تهتم بالسوشيال ميديا ولكن مؤخرًا بدأت أن تهتم بها، وقالت: "في ناس محترمة دلوقتي ماسكين الحسابات بتاعتي مش عايشة 24 ساعة عليها"، أما عن حياتها الشخصية أكدتها أنها شخصية عاطفية ورومانسية جدًا وأن أبسط الأشياء تتأثر فيها ودمعتي قريبة، وقالت: "لو دخلت حالة حب أكيد هحب أوي من غير ما أبقى ملزقة زي شخصية إيسو".

أما عن موهبتها منذ الصغر قالت ميرنا جميل: "أنا كان عندي حس فني من وأنا صغيرة بس ما كنتش عارفة أنا عاوزة أبقى إيه، وكنت ببقى فرحانة لما أشترك في النشاطات في المدرسة، وبحاول أبقى أشطر واحدة في أي نشاط، وكنت برسم في كل مكان"، وأشارت على حلم طفولتها: "وأنا عندي 13 سنة كان عندي طموح زيادة عن دلوقتي كنت كاتبة ورقة إني همثل مع توم كروز وبراد بيت وهروح هوليوود".

ميرنا خليل: المسرح بيدي إحساس بالخوف وفي نفس الوقت بيدي ثقة

والجدير بالذكر أن ميرنا خليل تحدث عن تجربتها في المسرح ومشرة انها تتلمذت على يد المخرج الكبير خالد جلال، وقالت: "المسرح بيدي إحساس بالخوف الكبير قبل ما أطلع لكن في نفس الوقت بيدي ثقة بعد أول 3 دقايق لما الجمهور يسقف."، وتابعت قائلة: "أول مسرحية احترافية في حياتي كانت بعد الليل مع الأستاذ خالد جلال، وأنا فخورة بإني خرجت من تحت إيده لأنه علمنا كل حاجة ولو فكرتي مين أبرز الكوميديانات اللي في الفترة دي هتلاقيهم خارجين من تحت إيده".