علق الإعلامى محمد فارس المذيع بقناة النادى الأهلى على مباراة الاهلى اليوم أمام نادي طلائع الجيش ضمن منافسات بطولة الدوري العام.

مباراة الأهلى وطلائع الجيش

وضمن مؤجلات الأسبوع ال 13 من عمر مسابقة الدوري العام يلتقي الفريقان على أرضية ملعب استاد الكلية الحربية.

الإعلامى محمد فارس أشار في تعليقه إلى صعوبة اللقاء محذرا من أى تهاون في اللقاء، حيث كتب عبر صفحته على منصة فيسبوك قائلاً،

لقاءات الأهلي مع طلائع الجيش مش سهلة . فريق الطلائع من الفرق اللي قدرت تعطلك كتير في اخر ٣ سنين وأخدت منك بطولة محلية زي السوبر المصري

أخر ٦ لقاءات مع طلائع الجيش . الأهلي فاز مباراتين واتعادل مباراتين وخسر مباراتين

ده غير ان كمان عبد الحميد بسيوني من المدربين اللي بيركزوا جدا في مباريات الأهلي تحديداً وحقق نتائج إيجابية مع الأهلي في ٤ مباريات من اصل ١٠ مباريات وده مش سهل لمدربين كتير

الأهلي محتاج ياخد خطوة كمان تقربه من اللقب انهارده ويثبت انه مش هيفرط في أي فوز . منحنى أداء الفريق مش أفضل شيء إنما اللي هيساعدك توصل لماتشين بيراميدز وأنت واقف على رجليك أنك تكسب الماتشات اللي زي الطلائع